Maa Vaishno Devi Aarti

Maa Vaishno Devi ki Aarti

(1)

Jai Vaishno Mata, Maiya Jai Vaishno Mata,

Haath Jod Tere Aage, Aarti Mai Gaata.Jai Vaishno Mata...

Shish Pe Chhatra Biraaje, Muratiya Pyaari,

Gangaa Bahati Charanan, Jyoti Jage Nyaari.Jai Vaishno Mata...

Brahma Ved Padhe Nit Dvaare, Shankar Dhyaan Dhare,

Sevak Chanvar Dulaavat, Naarad Nritya Kare.Jai Vaishno Mata...

Sundar Gufa Tumhaari, Man Ko Ati Bhaave,

Baar-Baar Dekhan Ko, Aye Maa Man Chaave,Jai Vaishno Mata...

Bhavan Pe Jhande Jhoole, Ghanta Dhvani Baaje,

Uncha Parvat Tera, Mata Priy Laage.Jai Vaishno Mata...

Paan Supaari Dhvaja Naariyal, Bhent Pushp Mevaa,

Daas Khade Charano Me, Darshan Do Devaa.Jai Vaishno Mata...

Jo Jan Nishchay Karake, Dvaar Tere Aave,

Usaki Ichchha Puran, Mata Ho Jaave.Jai Vaishno Mata...

Itani Stuti Nishadin, Jo Nar Bhi Gaave,

Kahate Sevak Dhyaanu, Sukh Sampati Pave.Jai Vaishno Mata...

(2)

He maat meri, He maat meri,
kaisi yeh der lagai he durge he maat...
Bhavsaagar mein gira pada hoon,
kaam aadi grah mein ghira pada hoon,
moh aadi jaal mein jakda pada hoon he maat...
Na mujhmein bal hai na mujhmein vidya,
Na mujhmein bhakti, Na mujhmein Shakti,
Sharan tumhari gira pada hoon he maat...
Na koi mera kutumb saathi,
na hi mera sharir saathi,
Aap hi ubaaro pakad ke baahin he maat...
Charan kamal ko nauka banakar,
main paar hoonga khooshi manakar,
Yamdooton ko maar bhagakar he maat...
Sada hi tere gunon ko gaaoon,
sada hi tere swaroop ko dhyaaoon,
Nit prati tere gunon ko gaaoon he maat...
Na main kisika, na koi mera,
chhaya hai chaaron taraf andhera,
Pakad ke jyoti dikha do rasta he maat...
Sharan pade hain ham tumhari,
karo yah naiya paar hamari,
Kaisi yeh deri lagai hai durge he maat...

(3)
Teri Murat ko pal pal niharu bhawani teri aarti utaru mai,

Sherawali, Sherawali tujhena visharu

Bhawani teri aarti utaru mai

Maa Vaishno Teri jai ho jai ho, jai ho teri Vaishno vaishno..

Maa Vaishno Teri jai ho jai ho, jai ho teri Vaishno vaishno..

Jai Mata Di